Da commission no kea bout public. Same same wit da so called representatives. Dey vote how dey lik, not how da peopo dey suppose fo represent lik.
Couple weeks ago I had dinna in Waikiki and insai da parking garage I seen dis tree guys mugging dis tourist couple. Wen I yell at dem, one of da guys said, “Wat! F*ckah!” And wen com fo me wit one knife. I wen pull out my G19 an wen he wen see dat, he said, “Oh sh*t!” . He and da odda two buggahs wen dig out. I waz jus bout fo see if da couple waz alright wen I heard my wife say, “Wake up, da dog gotta go potty.” (We have one 5 month old Rottweiler puppy and she gave me da job fo take him go potty at night, but I really had dat dream.)